原本訂咗7點，我哋早到咗20多分鐘，可以包場式打吓卡先，正👍
環境好寧靜舒服，裝修有格調，可容納20人左右，可以包場開細party 喎🥳
先叫做兩隻生蠔 Gillardeau ，海水味重，肉質肥厚，豐富口感。
荷蘭黑毛豬腩片生菜包，特配醬汁加蒜片，內暖外脆，醬汁有少少辣，黑毛豬肉質嫩滑。真想叫多客😋
廚房推介沙嗲濃湯牛肉麵，梗係要試啦！沙嗲味好香濃，薄切牛肉份量很滿足，仲有流心溫泉蛋和火腿配搭。
海鮮沙律，有蝦有帶子配酸酸地嘅醋汁，食落很開胃，蝦彈牙。
雙檸梳打，飲落有D細細粒果肉喺底部，問咗店員呢D係意大利青檸果肉配鮮檸，我個人非常欣賞青檸果肉，好 fresh 😘
朋友叫咗杯椰子烏龍奶茶飲，佢話兩者互相協調適中。
