今日係星期四 唔算多人 一入去就可以上一樓坐低
環境企理乾淨, 我地都好滿意
最近天氣涼左 所以叫左一個雞煲同羊腩煲
兩個煲份量都比我想像嘅多 我地見到都怕食唔晒
雞煲我地叫左小辣 大約等於譚仔3小啦 有好香辣椒香味, 個汁同D雞好夾, 非常入味, 令人食到停唔到!
我地好快就食曬成煲 哈哈
燒鵝朋友話一定要試, 我地又好耐無食過燒鵝. 所以叫左半隻
朋友無呃我 呢隻燒鵝好食過深井果D多多聲
最難得係皮下層脂肪做到好酥化, 入口即溶, 一定要試!
呢隻咕嚕肉係老闆介紹, 比平時的咕嚕肉甜, 但有一種特別的香味, 鍾意試新菜式嘅朋友可以試下
冰鎮蟶子王, 生熟剛剛好, 夠新鮮
