La Vista

坐窗口卡位可以望住東涌嘅海景，真係好有情調💓Ceviche De Res 青檸醃牛扒配牛油果芒果莎莎醬$148 用martini杯裝住好別緻，味道清新，好開胃，配埋墨西哥粟米片食，口感幾好，有種食緊beef tartare嘅感覺。Prawn Ajillo 蒜蓉明蝦配香草飯 $188有五隻大蝦，醬料好惹味，除咗蒜蓉味，仲有好香嘅辣椒味。香草飯除咗有香草嘅味道，仲有蕃茄味同檸檬嘅香味，好exotic嘅味道。Beef Tacos 牛肉粟米卷 $118選用USDA top choice級別嘅肉眼，牛肉烤得好香，配埋牛油果、蕃茄等嘅配菜，味道好豐富。落單時侍應會問粟米卷揀脆定唔脆，服務都幾貼心。🍻Asahi HH $58 Corona HH $328pm前都係Happy hour，望住咁靚嘅海景，當然要飲下酒chill下，除咗啤酒，仲有其他特色嘅cocktails同shots。