🍛 青咖喱豬頸肉
咖喱汁香濃微辣，唔會太鹹，又夠香。豬頸肉燒得香口，咬落有係乾柴，食極都有，配蒜蓉包啱晒。
🍝 香葉肉碎炒河
炒得夠火氣，唔太乾油香重，香葉味唔算重，肉碎唔鹹，河粉唔會碎到斷哂。
🥬 泰式炒通菜
蒜香夠，豆醬香口惹味，通菜爽口，冇水冇鞋，係穩陣發揮。
🥖 即焗蒜蓉包
出爐即食，外脆內鬆，蒜蓉唔霸道，size仲幾大塊，唔係細細塊嗰種，係法包斜切嗰重。
🦐 生蝦刺身
原本話賣晒，有啲失望，好彩店員話仲有兩隻即刻要咗。蝦肉爽甜，醬汁酸辣夠味，蝦頭炸到卜卜脆，雖然得兩隻，但都唔失望。
🥭 芒果紫糯米
芒果好新鮮，唔係浸糖水嗰種罐頭貨，椰汁同糯米做得好，煙韌唔黐牙。
開頭可能喺村屋位置，無左嗰種人來人往好吵鬧咁感覺，有啲位做得細心，唔造作，走嘅時候發現同其他食客同路行去搭車，佢地原來唔係街坊黎，係特登黎食🤣。
27
📝泰中意
📍地址：大圍田心村254號地舖
