今日走到近工廠區一帶既十字路口, 見到間樓上泰菜, 門口看看價錢唔貴, 雖然錯過左下午茶時段, 但總想入內一試!
餐廳整潔, 設有卡位, 座位舒適闊落。一般泰國菜餐廳食物款式都很齊全, 價錢公道~
【無骨鳳爪沙律】HK$78
份量多, 無骨鳳爪酸尾尾, 每件鳳爪中心位都連帶左軟根位, 既開胃又滿足到口感。
【馬拉盞炒通菜】HK$68
炒得幾有穫氣, 通菜爽脆, 當中既馬拉盞香料令整體更為惹味
【冬蔭功鮮蜆肉意粉】HK$78
冇預期中既辣, 偏向乾身, 蜆肉冇沙, 味道其實唔錯, 但意粉質地煙韌, 如果林返d會更加好。
