進達餐廳

Open Now

Now Closed

日日放工最煩嘅，就係同朋友諗今晚去邊度食。咁啱朋友今日有揸車，咁一於去啲平時少去啲嘅地方啦。佢話聽人講，屯門有一間西餐，環境唔錯，咁一於嚟試吓啦。一去到就見到，呢度嘅燈飾好靚，不過今日好凍，都係坐返喺餐廳入面啦。呢個黑松露忌廉湯十分好味，一食落口就有好香嘅黑松露味，而且唔會太滯，岩岩好。而朋友叫嘅羅宋湯都好足料，入面有菜有蘿蔔有牛肉，酸酸地辣辣地，飲完夠晒開胃呀。我叫咗個肉眼扒，五成熟，配薯菜。牛扒烹調嘅時間啱啱好，唔會太硬又唔會太稔。襯埋啲黑椒汁，簡直係絕配呀。我平時食牛扒最怕就係咬唔爛，呢塊牛扒絕對唔會有呢個問題呀。而朋友就叫咗個東星班魚柳，我試咗一啖，啲魚好香好滑，搞到我忍唔住再偷食多幾啖呀。呢間餐廳的確係環境靚，氣氛好，而且嘢食又抵食。百零蚊有湯，有沙律🥗，有飽，有主菜，有嘢飲，出面真係搵唔到呀。下次再揸車嘅時候，就要再嚟食啦。