今次我地試左馬拉菜嘅馬拉公公，自己本身鐘意食辣野，對我嚟講真係啱晒！我地order左魔鬼魚配參岩蝦醬飯🍛同馳名檳城亞參叻沙海鮮米線🍜再加鮮牛油咖央多士🥪
首先介紹下魔鬼魚配參岩蝦醬飯，新鮮即炸嘅魚柳食落外脆內軟，加上佢特別調製嘅蝦醬配落飯嘅味道非常濃郁，再加上茄子配搭健康又好味。
檳城亞參叻沙海鮮米線，好多配料有蛋、墨魚丸、蝦豆卜等等，非常豐富，叻沙好有椰香味道，米線彈牙爽口。
鮮牛油咖央多士，多士烘得非常脆口，每一塊裏面都夾住鮮牛油，咖央將多到流晒出嚟鍾意食咖央嘅朋友就唔好錯過啦。
飲品方面我哋order左馬拉無糖黑咖啡，咖啡味濃，少少甜但唔會覺得苦澀。
