東京食堂 (Closed)

星期六晚行完激安就隨心上網搵到呢間黎試試，想講位置真係超級隱蔽🤯我哋唔甘心行咗兩次終於搵到🙈如果喺金巴利道行過去，請一直留意左手邊有橦嘉華大廈，穿過咗就到喇👏🏻👏🏻蒲燒鰻魚定食 $108 基本上餐牌上嘅菜式都可單點或加30蚊轉定食，包​前菜麻醬凍豆腐、味噌湯、飯同茶。凍豆腐夠曬滑😋味噌湯正常，飯係日本珍珠米。我哋叫咗半條​鰻魚，份量都幾足好厚肉🤤魚肉夠滑冇骨，食到魚油香但唔會太漏👍🏻不過就咁食個燒汁有啲重口味，攞黎送飯就啱啱好😛牛肉壽喜燒定食 $98 壽喜燒除咗牛肉仲有配菜菇、洋蔥同蛋，肉嘅份量都算幾多！牛肉唔太腍有啲​嚡​，比較難咬開🥴湯底相對淡口。