放工去左紅館食飯，呢間真心係一間好隱世既小店，因為鋪頭位置係後巷裡面。
餐廳係傳統港式食店裝修，牆食貼滿食物照片，感覺好地道。
鋪頭細細間，不過有好多野食，例如原煲煲仔菜、麻辣菜式等等，仲有多款冰涷酒款(啤酒$32-38/中國白酒$68-720)。
招牌酸菜魚 $148
同平時出面餐廳食到既味道有唔同，呢個味道真係好有川菜麻辣味，魚肉大大塊好夠淋身，酸菜亦不錯呢！
香辣牛肉炒鴛鴦 $88
原來鴛鴦係兩款麵，再加埋牛肉片一齊炒得好香好有鑊氣，而且辣度十足，真係好味！
山西老陳醋皮蛋 $36
皮蛋有好多，幾抵食，又香又辣，整得好好！
