Video
Read full review
2018-10-10
94 views
酒店樓下就成日經過，原來樓上 19/F 嘅餐室做左土耳其餐廳我一直都好怕酒店餐廳，覺得會好hea 唔好食。但今日一試，我要推翻呢個諗法。約左朋友食飯，趕唔切準時放工，託朋友幫我點杯咖啡先。早知我黎到先點！原來呢個咖啡叫coffee on the aand. 朋友幫我order 完，老闆誠邀我朋友黎佢表演！傳聞老闆用個長柄銅容器係堆熱嘅沙度打圈，打到有泡泡出現代表咖啡已製成😲 長知識了！製成品。好別緻，仲要有nuts 伴碟，等食正餐有嘢咬下🤣 清水擺隔離好貼心，可以飲完咖啡沖沖口。飲口香滑，唔太澀，唔好咖啡嘅黎到都可以試下。$55 杯，望落以為得一杯仔好少，但其實長柄銅器倒出黎有第二杯，surprise~~土耳其出名有扁豆湯，飲一碗都好飽肚。好真材實料感覺👍(我好鍾意佢每樣嘢食都用木板上菜）二人套餐有沙律，清新。特色小食，點解小食都禁大份！好彩朋友食量大，我食左上面兩塊餅，配菜 (少少炸過嘅蘿蔔，青椒/黃椒/綠椒）同粗薯條，好好味，好鍾意。可以點蕃茄醬同有大愛嘅芝蘭醬😋主菜揀左牛，(兩個麻煩女人唔想食麵包，又唔想食飯，老闆見我地禁頭痛就叫我地食薯蓉🤣🤣)，配菜太好食，香草同黑椒令薯蓉好入
我一直都好怕酒店餐廳，覺得會好hea 唔好食。但今日一試，我要推翻呢個諗法。
約左朋友食飯，趕唔切準時放工，託朋友幫我點杯咖啡先。早知我黎到先點！原來呢個咖啡叫coffee on the aand. 朋友幫我order 完，老闆誠邀我朋友黎佢表演！傳聞老闆用個長柄銅容器係堆熱嘅沙度打圈，打到有泡泡出現代表咖啡已製成😲 長知識了！
製成品。好別緻，仲要有nuts 伴碟，等食正餐有嘢咬下🤣 清水擺隔離好貼心，可以飲完咖啡沖沖口。飲口香滑，唔太澀，唔好咖啡嘅黎到都可以試下。$55 杯，望落以為得一杯仔好少，但其實長柄銅器倒出黎有第二杯，surprise~~
土耳其出名有扁豆湯，飲一碗都好飽肚。好真材實料感覺👍
(我好鍾意佢每樣嘢食都用木板上菜）
二人套餐有沙律，清新。
特色小食，點解小食都禁大份！好彩朋友食量大，我食左上面兩塊餅，配菜 (少少炸過嘅蘿蔔，青椒/黃椒/綠椒）同粗薯條，好好味，好鍾意。可以點蕃茄醬同有大愛嘅芝蘭醬😋
主菜揀左牛，(兩個麻煩女人唔想食麵包，又唔想食飯，老闆見我地禁頭痛就叫我地食薯蓉🤣🤣)，配菜太好食，香草同黑椒令薯蓉好入味，大廚整到個薯蓉好滑，唔覺唔覺食多左😏😏
我地今餐飯食左好耐，環境太舒服，又可以由高望海同望油麻地地方，好正。坐下坐下，我個大食朋友想食其他嘢。。。就點左個pizza. JD PIZZA, 好彩佢薄底！如果唔係我點食得唒😔😔
呢個pizza 原來土耳其傳統home made 做法。 聽老闆講佢地特登用反自己家鄉嘅芝士同麵粉，令顧客食得到土耳其味道pizza. 我欣賞佢個pizza 啲芝士唔“漏” 同埋多蔬菜，感覺不錯。
套餐內的茶，好清香嘅花茶👍👍
如果兩個人唔太大食，我會建議散點，dinner for two 太大碟啦😂😂 記得要叫pizza 同土耳其咖啡😋
下次唔只食晚餐，放工過黎飲杯嘢都會好relax. 俾張飲品餐牌大家望下，都多嘢揀。 重點呢度舊廟街後面，交通都好方便，飲大左都返到屋企😝😝
呢度裝修唔係啲好華麗地方，但落玻璃食餐廳好開揚，坐得又舒服。
土耳其菜，用簡單香草，黑椒，椒鹽就將食材美味帶出，好簡單 好滿足～
同老闆傾計，先知佢呢度岩岩進駐大約三個月左右，之前曾經做大廚，黎香港發展自己強項。佢好正，好熱情同我地分享土耳其文化😍😍😍
(我一直都想去土耳其旅行，同佢傾完計食埋呢餐地道菜後更想要去，感受當地傳統文化同要食土耳其菜）
Post
