, 見CLOUD GARDEN有做團購, 當然要試吓先
星期五晚上, 人唔算多, 室內座位唔多(20個位左右), 不過室外有頗大的空中花園, 環境立時變的寬闊了
好了, 女店員先上兩杯水, 遞上團購menu序幕開始......
誰知等了半個鐘才上到食物, 好餓呀
原本團購有得揀野雜菜沙律/招牌海鮮拼盤 (青口、蝦、三文魚)，但原來係冇得揀,每款兩件:由原本的三文魚轉了做蠔, 大家心想正呀!!!, 蝦超新鮮彈牙
;青口都爽滑;蠔...就唔係太新鮮, 仲要一隻大, 一隻細
海鮮周打湯-好味的
, 內有5隻八爪魚仔, 頓時令知湯生色不少,我最愛一邊飲, 一邊有嘢食的湯
主菜A:炭燒澳洲頂級西冷牛扒/燒焗澳洲羊架, 因朋友同我都唔食羊, 所以揀了前者, 點了7成熟的牛扒, 大家想share食,但因朋友係like生d, 我就怕有血水, 所以叫七成, 但結果係變了well done, 不過好彩切落去時,牛質都上乘, 不致太硬, 唯獨伴碟的薯蓉,意大利青瓜同蘆筍挽回不少分數
主菜B:香蒜與初榨橄欖油意粉/十式野菌薄餅餅底,後者據說由主廚親手製作，配上黑松露醬、多款野菌烤焗，菌香濃郁！---餅底係一般叫溥底的脆底PIZZA, 黑松露醬係食唔出嗅唔出的,野菌係多,但唔係多款, 同友人點名是那些菇類時, 好像的三款左右, 可能芝士唔香, 菌味係有, 但比較淡口, 比我自己homemade的pizza還淡口, 友人只吃了兩塊仔,為免浪費我好慢咁食完。
因為我哋團購冇包飲品同甜品, 店員現場都有sell我哋要否加, 但原來加$的都只係普通餐荼同指定甜品, 所以朋友代我一口婉拒了
