星期一至四 $168/位
星期五六日及公眾假期前 $188/位
*無須加一
老公話住左屯門咁耐都無食過佳記雞煲係一個好大既錯誤🤣🤣原來咁多年都忽略左一間咁高質既小店!! 今次完全係咁啱落街搵野食，見到店內有唔少人，凍凍地又突然想食雞煲打邊爐，就發現左依既隱世小店🤩
聽見$168蚊2個鐘任飲任食雞煲+火鍋，本身都有啲擔心食物質素🙈 因為食過九龍區好多$200內既雞煲/ 火鍋，就深深感受到一分錢一分貨🙃 但佳記雞煲小廚平得黎，質素好高😍 有圖有真相，件件雞都啖啖肉，仲要係雞脾，海量既紫洋蔥索曬啲汁，超級正呀🤩 我地揀微辣，我唔食得太辣都handle到!! 仲有得揀小麻/中麻，見到隔離枱食麻辣食得好過癮🙈 下次我一定會挑戰高一級💪🏻
雖然有得無限加雞，但加完第二轉係時候轉戰火鍋💪🏻可能因為客流算多，食物流量快，火鍋食材全部都好新鮮!! 曾經食過一啲火鍋店，無論肉定丸類都有陣雪味...都唔知雪左幾耐😅 真心圖中每一款食物都係值得encore，特別係西班牙黑毛豬、魚皮、墨魚滑、魚片頭👍 menu上面好多野都未試...但實在太飽啦!! 唯有留番下次試💪🏻
PS 飲品櫃既選擇都算多，2至4人仲可以揀一款涼伴小食，我地揀既手拍青瓜仲好爽口好惹味👍高質小店，一定會再幫襯😻
