唔係太肚餓，所以冇叫二人餐，就咁散叫。
😌免治雞骹肉棒
因為係免治，所以比平時食開嘅較軟身。佢混有粒粒軟骨，好有咬口。燒得啱啱好，而且啲伴汁唔濃，小小哋‘釣’下味仲好。
🙂一口炸雞
即叫即炸，好熱㗎！千祈唔好一上枱就食呀！一口一件，大細啱啱好。層炸漿好薄，唔會啖啖油。
😟牛油果軟殼蟹手卷
有啲失望。兩件中有一件嘅紫菜係淋咗，而份量軟少。雖然佢嘅軟殼蟹炸得唔錯，但整體有進步空間㗎
🙂吉列豬扒手打烏冬
烏冬滑而又帶少少煙韌。豬扒都係即叫即炸而厚薄適中，炸漿同樣好薄，不過就比較乾身。
埋單共$260，還可以吧。
