臺北棧 (港威商場)

Open Now

Now Closed

今日畀同事拉咗嚟試呢間台式餐廳。打開餐牌見到有法國鵝肝牛舌芯湯麵就立刻叫咗。😝鵝肝真係有嗰種入口即溶嘅感覺，但配埋呢個湯汁就略鹹咗少少。牛舌心夠厚，柔軟爽滑。🤫同事個花膠魯肉飯都唔差。台灣出名魯肉飯，魯肉部分做得好，撈飯好開胃。個花膠都唔係求其，睇得出有心思，因為佢都夠曬入味，又夠滑。😆聽聞牛汁滷蘭花干都係比較難做嘅小食。今次一試都有驚喜，估唔到普通嘅豆腐乾，都可以做到咁好味。佢嘅味道唔係死鹹咁簡單，而係鹹中有點鮮香。😮最後試埋擔擔手工餃。佢有六隻都幾大隻，餃子皮偏厚，餡料夠實。特別之處係，上面有啲醬再配上花生碎，係比較少見，幾有特色🙉估唔到呢間餐廳啲嘢食都咁好味😋 下次帶埋屋企人😘