隨心 (Moved) New Location

之前都有食過隨心，覺得佢嘅海南雞飯同喇沙幾好食，於是今日帶朋友特登嚟到。大約一點左右，餐廳外面已經好多人，餐廳入面非常嘈吵，同幾年前寧靜嘅環境差得好遠。午餐嘅海南雞飯配有雞湯同紅茶。隨心嘅海南雞飯依然係咁有椰香味，配埋爽口嘅木耳，兩者維持一貫水平。反而雞就略為失色，無以前咁多肉同嫩，可能因為太多人幫襯而令質素下降。整體嚟講，隨心嘅雞飯喺同區入面依然出色，希望餐廳可以提升番雞嘅質素，令多啲人會食完再次幫襯。