南洋 (Closed)

昨晚去咗佐敦站附近，諗起之前有friend話話試過幾正嘅南洋，見站行過去都幾近一於去試下。一嚟到我比個牆嘅裝飾吸引咗，d碟好靚，用嚟打卡一流。朋友唔食魚，見到對面枱有對情侶食明爐烏頭得好開心但望落好大條，我一個人食唔曬，算，咁叫咖哩牛腩烤餅同炒金邊粉。金邊粉嚟到大大碟，好彩無叫多個粉，一碟絕對夠曬兩個人食。 金邊粉味道啱啱好，咖哩我覺得都幾辣，朋友話啱佢口味。食食下見到人哋食個烤雞，成隻棟係度，好招積，職員教緊佢哋點撕個雞肶，我下次一定要試，我又要撕雞肶呀