Video
Read full review
2021-01-12
335 views
週末同女朋友去左大圍行下同搵間餐廳chill下。行行下去到積存街見到有間餐廳食西餐，又好似坐得幾舒服，之後入左去坐低左之後睇餐牌, lunch set食物嘅價錢算合理又親民，而且款式都好多，樣樣都想試!最後我哋叫咗素菜千層麵同日式照燒雞肉脆豬。頭盤有田園沙律同南瓜湯。飲品方面叫咗一杯荔枝梳打同爆谷味咖啡。首先上既當然係頭盤，田園沙律同南瓜湯。南瓜湯非常鮮甜，好有南瓜味好creamy，我女朋友對湯要求好高，佢都對個湯大讚不絕證明真係好好飲! 沙律入面落左黑醋，好Fresh食落非常開胃!食完頭盤之後黎嘅第一樣係素菜千層麵。店員一放低之後睇到成碟野都出緊煙，熱辣辣好新鮮。正正今日得10度，岩哂食d熱辣辣嘅嘢千層麵厚度適中，唔會過厚亦唔會過薄。入面有蕃茄，翠玉瓜，菇，千層麵，仲有最正嘅係面頭溶緊嘅芝士。啱晒我呢啲芝士控嘅人士食! 側邊配菜嘅薯角亦都好新鮮熱辣辣，有好脆口，好好味!跟住嚟嘅係日式照燒雞肉脆豬。店員放低之後，好驚喜，因為個日式燒雞脆豬既size 相當大，差唔多有一個成年人面形嘅size咁大，分量十足! 麵包底面都好脆，夾住厚厚既雞排。雞扒入面好多肉汁，而且肉質鮮嫩又好滑，又落咗好多
坐低左之後睇餐牌, lunch set食物嘅價錢算合理又親民，而且款式都好多，樣樣都想試!
最後我哋叫咗素菜千層麵同日式照燒雞肉脆豬。頭盤有田園沙律同南瓜湯。飲品方面叫咗一杯荔枝梳打同爆谷味咖啡。
首先上既當然係頭盤，田園沙律同南瓜湯。南瓜湯非常鮮甜，好有南瓜味好creamy，我女朋友對湯要求好高，佢都對個湯大讚不絕證明真係好好飲! 沙律入面落左黑醋，好Fresh食落非常開胃!
食完頭盤之後黎嘅第一樣係素菜千層麵。店員一放低之後睇到成碟野都出緊煙，熱辣辣好新鮮。正正今日得10度，岩哂食d熱辣辣嘅嘢千層麵厚度適中，唔會過厚亦唔會過薄。入面有蕃茄，翠玉瓜，菇，千層麵，仲有最正嘅係面頭溶緊嘅芝士。啱晒我呢啲芝士控嘅人士食! 側邊配菜嘅薯角亦都好新鮮熱辣辣，有好脆口，好好味!
素菜千層麵
$66
30 views
0 likes
0 comments
跟住嚟嘅係日式照燒雞肉脆豬。店員放低之後，好驚喜，因為個日式燒雞脆豬既size 相當大，差唔多有一個成年人面形嘅size咁大，分量十足! 麵包底面都好脆，夾住厚厚既雞排。雞扒入面好多肉汁，而且肉質鮮嫩又好滑，又落咗好多濃濃既照燒汁，大滿足!!! 💯 配菜唔少得嘅當然都係脆卜卜既薯角
日式照燒雞肉脆豬
$76
26 views
0 likes
0 comments
最後上嘅就係兩杯餐飲。荔枝梳打好有氣，而且荔枝味好濃，甜度適中唔會太甜而爆谷咖啡一黎到，就巳經聞到好大陣爆谷味。咖啡面有厚厚嘅泡沫，咖啡亦都好滑好甜一啲都唔苦澀。而且飲落仲好暖胃好舒服
環境方面，地方非常闊落，而且地方清潔，坐得好舒服。佈置方面，好有情調，又有bar既味道，最適合就係同朋友或者情侶黎chill下傾下計。最衰而家六點後冇堂食，遲吓開返堂食一定唔會再帶女朋友嚟試吓個晚餐，飲下酒談下情
另外，餐廳都好有心思，為大眾市民設計左一個疫情劈價套餐(只限外賣)，應該係二人餐，Menu都好吸引，一個set包三個主菜價錢黎講勁扺
最後我哋埋單兩個人合共$164。我覺得呢間餐廳性價比好高，唔會太貴但分量十足，好抵食! 下次黎開大圍，會再帶女朋友試多次，住附近嘅可以試吓佢嘅外賣劈價set，強烈推介!
Post
