鵝潮館 (Closed)

今日上親戚屋企食飯，收工比較遲又整唔到嘢食，就去隆亨街市睇吓，發現原來嗰度已經變得唔同晒好多新嘅食店，有好多不同種類嘅熟悉選擇。知道今晚嘅人都鍾意食潮州滷味，所以就試吓呢間鵝潮館。

見到店面乾淨企理，而且價錢都幾合理，食物嘅選擇好多，基本嘅潮式滷味都有，所以我請師傅每樣俾啲，有滷水鵝，大腸，鵝肝等等，整個潮式滷水拼盤。

鵝肉有口感，滷水夠香夠濃又入味，我最鍾意食佢嘅鵝大腸，真係好正好香又有口感。另外老公就大讚佢嘅豬耳朵和鵝肝，好爽脆，鵝肝每片都厚切！超正。