Smoko

Open Now

Now Closed

肥髀已經考試完成，日日都放早，一早去接肥髀放學，在炮台山轉車前先去搵食，返工已經日日茶餐廳早餐，放假已經唔會再去食港式早餐，搵間咖啡店飲咖啡，呢間咖啡店好細，店面全部做了廚房，在向商場一邊有張高櫈加一塊小枱面，不過呢個位置早餐比較曬，在陽光下嘆早餐！我點了食物，店員就開始整，整好在小窗口遞比我！大部分人都係外賣！吞拿魚蘋果碎蛋牛角包餐（$55）用紙包好，牛角包鬆脆香口，吞拿魚碎蛋好多，沙律醬包裹住蛋碎及吞拿魚，打得滑，唔會好酸，中間夾雜啲爽甜嘅蘋果碎，增加脆口口感（好似食山竹牛肉夾雜馬蹄碎嘅感覺）加上生菜爽口，好味！Cold Cappuccino(combo+$2)透明杯用花花圖案紙圈好靚！咖啡唔落糖，味道微甘，牛奶泡打得滑，好順喉，不過咖啡凍飲就無咁香！好味！店員幾nice，因為第一次幫襯，會介紹麵包蛋糕類比我選擇！有笑容會好似朋友咁打招呼，小店嘅人情味！唔使返工嘅悠閒早晨！