Video
Read full review
2015-11-25
1393 views
注入新元素，原來放題可以好多FUN 兩個鐘時間轉下眼完結，重溫下當日食過既野先～ 食放題刺身必點架啦，呢到刺身款式有：油甘魚, 帶子, 吞拿魚, 三文魚, 馬刀貝, 北寄貝, 大隻甜蝦....最推介呢到油甘魚，新鮮又鮮甜，其次三文魚同象拔蚌啦，三文魚油香豐富，呢到刺身用冰底墊住，good! (不過呢到蝦刺身，雖然大隻，鮮甜味差小小喇）入到店第一個環節，聽指示鬥快拎燉湯 ，店主說由中午11點開始燉，燉得火喉十足，湯色清徹不肥膩，個湯好甜。飲飲下湯，又聽到話宜家有西班牙口味魚鮫，舉手就有，賣相很美，魚肉配沙津醬汁好味。過左陣就到紐西蘭羊鞍出場，師傅即場切。記得食燒牛舌 以為完了，又再有通知宜家有韓式八爪魚，味道香得黎又唔會好辣，都幾好。呢到白拖蘿，一聽到有出一定唔可以錯過呀，入口油香滿瀉，推介之一！ 當你食完白拖蘿既時候，又聽到敲響聲，今次仲有睇頭，兩位店員拎出一大條黃鰭吞拿魚，除左可比客人拍照之外，仲會即場切即場派。黃鰭吞拿魚肉質爽有口感，同樣唔可以錯過，今次我地都唔執輸，拎左兩份。每次聽到敲響聲都有驚喜，今次呢個最受歡印，是瀨戶生蠔呢 （呢個今日就無食，唔知係咪咁正呢？）從未
兩個鐘時間轉下眼完結，重溫下當日食過既野先～
食放題刺身必點架啦，呢到刺身款式有：油甘魚, 帶子, 吞拿魚, 三文魚, 馬刀貝, 北寄貝, 大隻甜蝦....
最推介呢到油甘魚，新鮮又鮮甜，其次三文魚同象拔蚌啦，三文魚油香豐富，呢到刺身用冰底墊住，good! (不過呢到蝦刺身，雖然大隻，鮮甜味差小小喇）
入到店第一個環節，聽指示鬥快拎燉湯 ，店主說由中午11點開始燉，燉得火喉十足，湯色清徹不肥膩，個湯好甜。
飲飲下湯，又聽到話宜家有西班牙口味魚鮫，舉手就有，賣相很美，魚肉配沙津醬汁好味。
過左陣就到紐西蘭羊鞍出場，師傅即場切。
記得食燒牛舌
以為完了，又再有通知宜家有韓式八爪魚，味道香得黎又唔會好辣，都幾好。
呢到白拖蘿，一聽到有出一定唔可以錯過呀，入口油香滿瀉，推介之一！
當你食完白拖蘿既時候，又聽到敲響聲，今次仲有睇頭，兩位店員拎出一大條黃鰭吞拿魚，除左可比客人拍照之外，仲會即場切即場派。
黃鰭吞拿魚肉質爽有口感，同樣唔可以錯過，今次我地都唔執輸，拎左兩份。
每次聽到敲響聲都有驚喜，今次呢個最受歡印，是瀨戶生蠔呢 （呢個今日就無食，唔知係咪咁正呢？）
從未試過食放題有咁多節目 ，好有theme, 再加埋出單又齊又快，店員服務貼心又快手，這裡絕對值得推介比大家！
Other Info. :
兩小時放題：
$268 加一
(The above review is the personal opinion of a user which does not represent OpenRice's point of view.)
Post
