Video
Read full review
2018-09-18
409 views
是晚同肥仙久別重逢，即興約食晚飯，當然去返我地既老地方（其實只係第二次一齊嚟呢度食飯，已經變左做老地方🤣！）—板長壽司🍣見面啦👯♀️。唔講唔知，入到去睇電視先知，板長原來已經🔟週年啦🎊（好似有個感謝祭）!!! 去Newxxx唱K, 去板長食壽司🍣⋯⋯呢d應該都係XX後既集體回憶嚟。宜家既板長巳經用緊部pad落單，與時並進，唔知食物既質素有冇一齊進步呢？🤔美味子一路望住部電視無限loop緊想當年板長投得「日本一」既瀕危品種藍鰭吞拿魚王video同為慶祝10週年而包左又X城個溜冰場，用左20,647件即制壽司🍣砌左「最大壽司拼圖」（仲即時入左健力士世界紀錄），一路食真d口入面件三文魚壽司，就一路思考緊咁樣既宣傳手法有冇令到d食物好味左呢？🤔🤔🤔自細喺度食到大既肥仙連門口經理都（扮）識，打晒招呼咁，一入嚟就喪點，確實，呢度價錢都幾經濟，叫多幾件都唔怕。創作卷物系列— 肥仙叫左呢幾件魚子，魷魚同吞拿魚唔知乜乜壽司，嗱，呢d美味子就唔敢叫啦，d醬一重手左就唔係幾好啦😅壽司🍣系列— 美味子我就唔係叫左好多件，大概八件壽司左右，主要都係三文魚，帶子，芝士火炙三文魚，仲有我最愛既腐皮壽司，比較鍾意叫d
唔講唔知，入到去睇電視先知，板長原來已經🔟週年啦🎊（好似有個感謝祭）!!! 去Newxxx唱K, 去板長食壽司🍣⋯⋯呢d應該都係XX後既集體回憶嚟。宜家既板長巳經用緊部pad落單，與時並進，唔知食物既質素有冇一齊進步呢？🤔
美味子一路望住部電視無限loop緊想當年板長投得「日本一」既瀕危品種藍鰭吞拿魚王video同為慶祝10週年而包左又X城個溜冰場，用左20,647件即制壽司🍣砌左「最大壽司拼圖」（仲即時入左健力士世界紀錄），一路食真d口入面件三文魚壽司，就一路思考緊咁樣既宣傳手法有冇令到d食物好味左呢？🤔🤔🤔
自細喺度食到大既肥仙連門口經理都（扮）識，打晒招呼咁，一入嚟就喪點，確實，呢度價錢都幾經濟，叫多幾件都唔怕。
創作卷物系列— 肥仙叫左呢幾件魚子，魷魚同吞拿魚唔知乜乜壽司，嗱，呢d美味子就唔敢叫啦，d醬一重手左就唔係幾好啦😅
壽司🍣系列— 美味子我就唔係叫左好多件，大概八件壽司左右，主要都係三文魚，帶子，芝士火炙三文魚，仲有我最愛既腐皮壽司，比較鍾意叫d冇醬汁剩係放魚生係面既壽司，感覺穩陣d同埋食真d魚生陣味😋🐟
沙律系列— 肥仙再叫左碟青瓜沙律都幾大碟，可夠2人share都得，不過落左好重沙律醬，味道一般，美味子尤其唔係幾好無端端加左d芒果係度😅，唔係幾夾👉🏻👈🏻
一般料理系列— 呢碟煎鱈魚，肥仙猛咁叫我試，本來都話唔試架啦，但肥仙誠意拳拳，分埋俾我仲幫我點埋醬，唉，見佢咁好服務，試下啦，哎呀～又真係幾好味喎，仲要係點左醬先好味！肥仙又幾識食喎👍🏻推介！
火炙壽司系列— 鰻魚其實都係另一個穩陣抵食之選，好難唔好食，不過美味子都係偏好就咁蒲燒鰻魚已經好惹味，加芝士略嫌溜得滯，不過都係視乎個人喜好啦。
臨走肥仙又走去同經理講拜拜👋🏻，經理雖然覺得莫名奇妙，不過仍然用好誠懇既態度送我地出去，雖然食物一般，但遇到呢d搗亂既客人仍然臨危不亂既服務態度，係值得讚賞既👍🏻
Post
