村爺爺龍蝦湯.泡飯.燉湯專家

Open Now

Now Closed

村爺爺係我經常encore 既餐廳，因為佢個龍蝦泡飯真係好鬼正！村爺爺嘅湯飯遠近馳名，而佢哋呢度代表作龍蝦泡飯更係街知巷聞，佢哋所用嘅龍蝦湯每日用左22個鐘用上龍蝦殼熬製而成，其鮮味可謂無與倫比。今次同朋友一人叫左一客殿·海鮮龍蝦湯泡飯同埋呢度第一熱賣嘅花膠螺片雞煲翅。殿·海鮮龍蝦湯泡飯：入面除左用上鮮濃嘅龍蝦湯底外，仲有好多款新鮮嘅海鮮，如半隻龍蝦，蜆，青口，魷魚圈，帆立貝等，係海鮮腔必點之選。花膠螺片雞煲翅因為我次次黎都係食龍蝦，我趁我朋友試呢個 我又試佢一啖，嘩！個雞湯好好味！！佢哋呢度非常足料，足足比左半隻雞，仲有大大舊嘅花膠同埋螺片，佢哋仲會附送半碟生菜，可以再加十蚊有碗用珍珠米煮嘅飯同埋一杯熱飲添。而佢哋呢個古法煲仔湯，味道鮮甜，雞味濃郁，係會令人一飲上癮。而佢哋所附上嘅自家製嘅醬汁都非常出色，滿滿嘅蒜味同點點嘅辣味，能帶出不同食物嘅鮮味同額外添上一分嘅惹味。