5
花生芝麻餡糯米糍- 暫時係我食過最滿意嘅糯米糍（每日新鮮包嘅）佢地嘅糯米糍冇花巧嘅野，就只有一種口味（花生芝麻餡），餡嘅味道同口感都幾好，甜度適中，仲「爆餡」，餡嘅份量好足，每一啖都好滿足個種！重點係糯米糍嘅皮既薄又軟糯，所以好加分！ （建議當日食完！）分為 3 個一盒同 6個一盒嘅
1
粒粒芒果爽 - 除左糯米糍，依個都係我每次必買嘅！佢入面有椰汁西米、新鮮芒果、蘆薈、椰果同仙草！整體嘅味道同口感都好，幾清爽，唔會好甜，食完成個都冇乜罪惡感哈Haha
1
芒果椰汁奶凍 - 佢入面有新鮮芒果、椰汁同鮮奶，都係唔會過甜。雖然我覺得依款冇粒粒芒果爽咁驚艷，但有種越食越好食嘅感覺。佢入面有好多芒果肉（就算唔係季節，都唔會酸），底部奶凍嘅口感幾滑，椰香味幾足，建議一定要芒果肉+奶凍一起食。
佢地另外仲有港式傳統糖水，例如芝麻糊、合桃糊、椰汁渣咋、芋圓等等同其他嘅芒果甜品！
*佢地每逢禮拜一休息
