Pokka Cafe (Closed)

原本諗住叫個A餐 因為張相影得幾靚但佢話個A餐入面既魚柳同牛角包已經冇做所以冇叫到 我就叫左個F餐呢個F餐68蚊，話說要等15分鐘。碟野出到黎，塊班戟係凍既.....（唔知點解要整咁耐但都係凍既？？）夠牛油實到都唔知點(茶)上去塊班戟熱既都仲可以整溶舊牛油.......我真係（茶）到吊晒鬼.....成碟野最好味係條腸。杯橙汁M記一定好飲過佢（一飲就知酒樓貨色）另外仲有個B餐 都60蚊半塊雞排都事小，麵包都得果半塊!?（我終於明白點解冇牛角包），炒蛋，小小菜，一塊蜜瓜論價錢大快活份量一定多過佢。Super Sandwichs 都係半塊上 不過人地有兩塊。同埋講味道真係一般貨色，周街食得到。除左環境好dd之外，真心覺得唔值。我比多幾十蚊落最底層食一百蚊拉麵都覺得值過食呢個餐。