沙嗲王 (眾安街) (Closed)

黃金鹹蛋黃軟殼蟹軟殼蟹好脆😊雖然用鹹蛋，但係鹹味係岩岩好，齋食唔餸飯絕對冇問題😃鹹蛋黃炒到起沙，連埋脆口既軟殼蟹，其實口感幾似鹹蛋魚皮😂北海道芝心餅外脆內軟，好好食😍食得出加左蛋黃醬，所以好軟滑。不過蛋黃醬味稍為蓋過左芝士味，如果減番少少蛋黃醬就好啦😂表面既紫菜絲令芝心餅個味冇禁單調，唔錯👍避風塘脆豆腐炸皮好薄，豆腐好滑，口感一流😍豆腐夠晒味，加上避風塘微微辣，好香好惹味。日式蟹粉豆腐鍋配飯石頭鍋好熱，上到枱啲汁仲係度煮緊😂好多蟹粉蟹肉，仲有好滑既豆腐，夠晒足料😋最正係有鹹蛋黃調味，配埋飯都夠味😍