五月花港台日料理 (Closed)

除夕想埋朋友一齊食, 見到廣告話每位 $168, 由22:00-00:00, 價錢 OK, 重可以由2009食到2010, 一於試下....店舖不大, 座位之間相當迫, 行出行入都要好小心刺身幾新鮮, 雖然細片, 但你點幾多就比點多, 可以密密叫.大蝦,南瓜,番薯天婦羅都好味, 其他日式串燒都幾好, 全部新鮮熱辣.重可以食埋火鍋, 火鍋配料OK, 牛肉唔會奀, 反而D熟食, (如:一口牛肉, 牛柳, 豆角..) 味道太濃, 醬汁太多.其他還有汽水,雪糕, 粥等可以任食, 上菜速度相當快, 唔會等極都無得食, 服務員雖然唔算歡容, 但一叫即到, 唔會扮睇你唔到.