快樂小羊火鍋餐廳 (Under Renovation)

先點咗一份燒羊排同埋烤串，呢度有埋燒烤食，燒過嘅羊肉佈滿油脂，一上枱充滿香氣，肉質唔會硬，好香。打邊爐湯底要咗鴛鴦，麻辣加清湯。清湯其實係接近藥膳湯，湯入面真係有藥材嘅，不過唔會有苦嘅藥味。麻辣就其實唔係好辣，我覺得啱啱好，可以保持配料本身嘅原味道，朋友就覺得要辣D會比較好。塔拉上的快樂卷，一卷卷羊肉擺得幾靚，肥瘦各半，口感嫰滑。羊羊大拼盤有3款羊肉，屬於3個唔同部位有唔同口感，全部唔會韌，肉質幾唔錯。其他配料都幾好，鬼馬墨魚滑 、炸魚皮生菜、點得多到爭少少食唔晒。