潮州鹵漢大飯店 (Closed)

之前食過一次呢度嘅鹵味火鍋🔥好好味 所以要帶埋屋企人嚟試 下午去食個放題 有4款餐選擇 入面已經包咗豬/牛/羊/海鮮👏🏻依家仲有生醃海鮮 好豐富呀😍揀啱食乜嘢用QR code落單就得喇其實我之前未試過潮式嘅生醃海鮮 原來係咁惹味㗎🌶最重要係夠新鮮 我個人最鍾意係蜆/蟶子同蝦 仲有意外驚喜嘅竟然係三文魚 我開頭仲擔心會好騎呢🙊點知係超好味 鮮味好突出 牛類我會推介精選和牛同安格斯牛小排 肉味好濃郁 仲有澳洲草飼黑安格斯肥牛 超軟稔🐮其他肉例如西班牙黑豚片同紐西蘭半卷肉 都係必食嘅除咗QR code落單之外 仲有自助區可以自取唔同嘅蔬菜同丸類等等 另外仲會有一啲熟食例如蜜汁叉燒/切雞/獅子頭…同埋甜品區🤗而家只需要like & share潮州鹵漢嘅FB/IG最新嘅post 就有優惠