唔同類型嘅蛋/蛋類製品
都係最愛～沒有之一 💛
呢日老公放假去奧海城
經過見到有間新開嘅餐廳
Tamago-EN HK たまご園
一眼就已經發光
因為成間餐廳都係黄色做主調
同埋有好多蛋做裝飾 非常搶眼
當然唔會走雞即刻入去坐低醫肚
最後我哋點左～～
🥪吉列豚三文治配薯條
🥑牛油果三文魚親子TNG生雞蛋拌飯
🥭鮮芒果熱情果班戟
☕️伯爵茶梳乎厘班戟配青葡萄
🍹芒果鮮奶特飲
🍦伯爵奶茶配雪糕
吉列豬好脆口 用嚟做三文治餡
軟脆兩種口感加埋好特別
薯條都炸得好好 完全唔會太油膩🍟
牛油果 三文魚 同生蛋
無諗過會咁夾 🥑
三重滋味混合用來拌飯
嗰種味道好新鮮
到甜品方面 芒果真係好新鮮
加埋熱情果 澀甜嘅初戀微甜
班戟好軟綿綿 食完唔止好舒服
仲令人深刻難忘 🥞
另一個就係伯爵茶梳乎厘班戟
茶香有淡淡回甘 配上青葡萄
好似享受緊貴婦 high tea 午後時光 🫖
飲品方面點咗 芒果鮮奶特飲
少少甜 剛剛好 入口仲好順滑
意猶未盡 再加多個伯爵奶茶雪糕🍦
口感軟滑 味道香濃
整體嚟講除咗蛋之外嘅菜式
餐廳都好有新意
嘗試用好多唔同菜式做配搭
而且材料用心 嚴選日本沖繩🇯🇵
直送最新鮮嘅農場雞蛋🥚
完全體現到餐廳對食物質素嘅要求
無論大人小朋友 都唔好錯過呀！
