Video
Read full review
2016-11-01
9403 views
阿公生日，成家一齊去食自助餐。又check 到屋企附近嘅依間酒店有做自助餐，價錢都唔算太貴，所以就到依度食。依個自助餐分類得十分之詳細，包括有輕型營，面對麵，籠點蒸，烤吧，鑊鮮，和甜蜜蜜六個區域，大概是喜咸喜甜，鍾意食中餐定係西餐，都可以搵到鍾意食嘅野。一時面對咁多食物，一般人都會感到無頭緒。我自己嘅習慣係先飲一碗湯先，再攞一啲熱嘅肉食。飲湯方面比左啲驚喜我，原本都只係expect 係好大煲中式湯同西式湯，自己舀，但估唔到有燉湯飲。一盅一盅自己拎，老實講，都相當之熱，拎嘅時候都要小心燙手。但飲落就暖胃好正。個燉湯入面有瑤柱，蓮藕，花菇，同排骨等，好足料，清甜好飲，仲有衝動想食埋啲湯渣，因為真係好多，唔食好似好浪費，但最後都係食更多野嘅欲望壓倒左理智，飲完碗湯就即刻出去攞野食！熱食嘅選擇真係好多，面對麵有日式火鍋，籠點蒸就有唔少中式點心。不過自助餐通常都會自動忽略依啲。我就主力去食烤吧。烤吧有各種燒烤，例如串燒雞翼，粟米，牛脷，豬頸肉，南瓜等。因為係即烤，望落十分之吸引，就拎左個雞翼同埋牛脷返來。隔離就係好大塊燒羊架同肉眼，貪佢近，就攞埋一塊牛肉，粉紅細嫩地看上去很誘人。跟住向前見到好多
依個自助餐分類得十分之詳細，包括有輕型營，面對麵，籠點蒸，烤吧，鑊鮮，和甜蜜蜜六個區域，大概是喜咸喜甜，鍾意食中餐定係西餐，都可以搵到鍾意食嘅野。一時面對咁多食物，一般人都會感到無頭緒。我自己嘅習慣係先飲一碗湯先，再攞一啲熱嘅肉食。飲湯方面比左啲驚喜我，原本都只係expect 係好大煲中式湯同西式湯，自己舀，但估唔到有燉湯飲。一盅一盅自己拎，老實講，都相當之熱，拎嘅時候都要小心燙手。但飲落就暖胃好正。
個燉湯入面有瑤柱，蓮藕，花菇，同排骨等，好足料，清甜好飲，仲有衝動想食埋啲湯渣，因為真係好多，唔食好似好浪費，但最後都係食更多野嘅欲望壓倒左理智，飲完碗湯就即刻出去攞野食！
熱食嘅選擇真係好多，面對麵有日式火鍋，籠點蒸就有唔少中式點心。不過自助餐通常都會自動忽略依啲。我就主力去食烤吧。烤吧有各種燒烤，例如串燒雞翼，粟米，牛脷，豬頸肉，南瓜等。因為係即烤，望落十分之吸引，就拎左個雞翼同埋牛脷返來。隔離就係好大塊燒羊架同肉眼，貪佢近，就攞埋一塊牛肉，粉紅細嫩地看上去很誘人。跟住向前見到好多人排隊攞生同冰鎮海鮮，但係成手熱食就唔方便攞。於是就係鑊鮮度拎左啲中菜，例如一塊魚，同少少炒青口。順路返來見到有日式蒸蛋，於是都攞埋一個。
總結依一轉，最好食都係烤吧嘅串燒，新鮮熱辣真係有加成。而其他就水準一般，燒牛肉同鑊鮮都唔算好特別。
下一轉就係食凍野啦，循例攞一堆魚生，跟住去排隊攞生蠔，再去拿一些熟蝦，青口，翡翠螺，蟹腳等等，生蠔真是十分肥美！魚生也不錯，最令我有驚喜的卻是那些冰鎮海鮮。以前出外吃自助餐，食親依啲冰鎮海鮮，有時都會有不夠新鮮的情況發生。沒想到今次來食嘅新鮮程度很唔錯，尤其是熟蝦同翡翠螺，都十分的鮮甜好味，爽脆。於是由下一轉開始，我就主力食烤吧同埋冰鎮海鮮，食到飽飽地，就開始轉攻甜品。
甜品嘅選擇都十分多。糕點，西餅，曲奇，窩夫,奶凍，雪糕，水果都有。屋企人不少是媽媽輩，拿了一堆生果，說是新鮮鮮甜。我當然就是主攻其他甜品。我覺得拿破侖是不錯的，葡撻是不錯的，雪糕是哈根達斯，自有一定水準。但我建議把雪糕放到窩夫上面吃，那真係好好食。
總結來說，不錯
Post
