大會堂美心餐廳 (Closed) View

星期六中午，本來打算跟老公去大會堂飲茶，不過一去到，條長龍已經令人卻步，最後決定落一層，改食西餐。此西餐廳平日中午非常難 book, 多年前食過一兩次都好滿意。一直無機會再黎，估唔到今次無心插柳，又一次的滿足。裝修後的餐廳，充滿懷舊風味，淺綠色加紅色傢俬，配木裝修，花樣年華的感覺。點了洋蔥湯、焗豬扒飯、焗田螺。洋蔥湯味濃，不錯。田螺香，配香滑薯蓉，美味。最有驚喜是焗豬扒飯，一上枱已經被賣相吸引，上面的太陽蛋是亮點。豬扒又軟又入味，茄汁好濃，炒飯底又好香，再加上蛋汁，一口已經大滿足！一向愛食連鎖快餐店的焗豬扒飯，不過吃過今日呢個，先知咩叫好味，價錢雖然貴好多，不過絕對値得。坐在玻璃窗旁，溫柔的陽光、舒適懷舊的環境，加上精緻美食，令人心情愉快，休閒一天的好開始。