素年 (黃埔天地百寶坊)

Open Now

Now Closed

三訪素年，之前2次都係食佢嘅吉列豬扒定食，覺得幾好食，所以就帶朋友黎食飯，諗住試下佢嘅新定食，點知今次嘅關東煮定食令人好失望。關東煮讚歧烏冬定食 (可走五辛) ($88)定食嘅食材比較簡單，前菜都可以係超市或外賣店現成買到，包括酸蘿蔔、枝豆同日本蕃薯仔。烏冬、枝豆同部分關東煮嘅食材味道好淡，枝豆表面撒咗辣粉，所以只係食到辣味，白蘿蔔有酸味，唔知係咪變咗，所以都冇食哂。茄子鷹咀豆泥蘸醬 配炸印度脆球 (細: $48；大: $78)印度脆球味道似酒樓炸雲吞嘅皮，幾脆口，底下嘅鷹咀豆醬好香鷹咀豆味，不過就唔覺有茄子嘅元素。