Video
Read full review
2022-02-04
351 views
農曆新年前夕，朋友話要置裝買新鞋過年🛍，所以我哋去咗旺角波鞋街行吓。行完上半場就提早去食個晚餐，因為而家又禁堂食嘛。我哋揀咗食「老媽拌麵」，久仰大名，但食都係第一次。餐廳面積好大，裝修四正，而且座位之間用隔版分隔好，衛生措施做到足👍。同時，店員們服務態度積極，冇揸流攤。川味紅燒三寶牛肉麵($82)，其實掙扎咗好耐嗌湯麵定拌麵🙈，但拌麵款式相對無咁吸引，所以揀咗湯麵。湯麵好大碗🍜，熱辣辣送上，加分。牛三寶包括有牛腱、牛筋同牛肚，佢哋全部都好入味，又夠大件🐮。麵底跟配咗關廟刀削麵，麵條彎彎曲曲，口感Q彈有嚼勁，令人一食上癮。麵條質素高，明顯比超市買到嘅好食。湯底亦係值得一讚🤤，牛味濃郁，又夠清徹，而且仲帶微微辣。老媽秘製麻辣鍋($118)，我哋好鍾意打邊爐🍲，所以二話不說就嗌咗，但個人認為一般，問題唔係在於味道，而係食落比較遴迍，因為鍋底較淺，要分幾次先淥得晒。火鍋湯底有兩款揀，分別係麻辣湯同清燉牛肉湯，無辣不歡嘅我當然嗌辣🌶，味道係正，但同紅燒個湯好似甚或係一樣，撞咗添。火鍋配料有肥牛、麻辣鴨血、墨汁豬肉丸、蟹籽丸、豆腐、蔬菜同雞蛋等，整體感覺幾豐富。麵底揀咗傳統關廟麵，麵條幼身掛湯，佢
農曆新年前夕，朋友話要置裝買新鞋過年🛍，所以我哋去咗旺角波鞋街行吓。行完上半場就提早去食個晚餐，因為而家又禁堂食嘛。我哋揀咗食「老媽拌麵」，久仰大名，但食都係第一次。
餐廳面積好大，裝修四正，而且座位之間用隔版分隔好，衛生措施做到足👍。同時，店員們服務態度積極，冇揸流攤。
川味紅燒三寶牛肉麵
$82
12 views
0 likes
0 comments
川味紅燒三寶牛肉麵($82)，其實掙扎咗好耐嗌湯麵定拌麵🙈，但拌麵款式相對無咁吸引，所以揀咗湯麵。湯麵好大碗🍜，熱辣辣送上，加分。牛三寶包括有牛腱、牛筋同牛肚，佢哋全部都好入味，又夠大件🐮。麵底跟配咗關廟刀削麵，麵條彎彎曲曲，口感Q彈有嚼勁，令人一食上癮。麵條質素高，明顯比超市買到嘅好食。湯底亦係值得一讚🤤，牛味濃郁，又夠清徹，而且仲帶微微辣。
老媽秘製麻辣鍋($118)，我哋好鍾意打邊爐🍲，所以二話不說就嗌咗，但個人認為一般，問題唔係在於味道，而係食落比較遴迍，因為鍋底較淺，要分幾次先淥得晒。火鍋湯底有兩款揀，分別係麻辣湯同清燉牛肉湯，無辣不歡嘅我當然嗌辣🌶，味道係正，但同紅燒個湯好似甚或係一樣，撞咗添。火鍋配料有肥牛、麻辣鴨血、墨汁豬肉丸、蟹籽丸、豆腐、蔬菜同雞蛋等，整體感覺幾豐富。麵底揀咗傳統關廟麵，麵條幼身掛湯，佢相比起粗麵無咁彈，但同樣帶有麵粉香。
豆乳香香雞
$52
11 views
0 likes
0 comments
飲品方面🧋，我哋嗌咗老媽黑糖珍珠鮮奶茶($33)同冬瓜檸檬($24)，兩杯味道都唔錯。冰量可揀少冰，但甜度就無得揀，不過幸好甜度適中。前者重奶香好滑，珍珠彈牙；而後者就幾清香。
總括嚟講，呢度嘅關廟麵同湯係精華所在，無論粗麵抑或幼麵都一樣咁出色👌，果然無負麵條專門店之名。另一邊廂，佢嘅麻辣湯亦係好味道，麻度同辣度恰到好處，我哋成碗飲哂！
Post
