放工約左朋友去食個飯，醒起以前返舊公司附近有間坐得好舒服同好抵食既餐廳，就重遊下舊地～😍😍
餐廳啲枱超大張，比起觀塘啲納米餐廳賣百幾蚊既意粉，都係鐘意係呢到靜靜地食下野，天花板仲有啲日本紙傘☂️同假櫻花樹！🌸
香芒芥末脆脆卷（$55）🥭
外皮沾滿木魚碎，食落仲有啲芒果既酸甜，加埋肥厚既三文魚粒，大小適中，一啖一粒，而且$55邊到搵到！
炸軟殼蟹反卷（$75）🦀
如果你係軟殼蟹fans 就一定要叫，個蟹腳長到要分幾啖食，外表炸得鬆脆，又唔會油膩！
時令生蠔（$15 @1)🦪
阿根廷赤蝦（$12）🦐
本來諗住生蠔呢啲野唔食到肚痛已經好好，冇諗過$15一隻又真係唔錯，雖然唔算好大隻好肥美，但好新鮮又清甜！蝦同樣好新鮮，而且都好大隻！🧑🏻🍳👍🏻👍🏻
鹿兒島豚肉硯肉鍋（$72）+烏冬（+$13）🥘🐖🐚
烏冬係普通打邊爐烏冬，+$24可以轉稻庭烏冬，鍋裡面鋪上滿滿的豬肉同硯肉，稍為扣分係豬肉太厚身有啲難咬！湯選左店員介紹既醬油湯底，唔咸仲帶到硯肉既清甜！
鹽燒雞軟骨串（$14）🍢
鹽燒牛舌串（$23）🐄
大和牛粒串（$27）🍡
牛舌比較失望，唔似係用日式烤法，更似港式風味，其餘和牛串同雞軟骨同好香脆多汁！
