三人行燒烤專門店

Open Now

Now Closed

今日放工又去通菜街搵嘢食，跟著就去睇戲，經過見到三人行燒烤店見6點已經差不多坐滿，就即刻入嚟試下。小店主打串燒，豬牛羊雞海鮮蔬菜樣樣齊，價錢仲要好合理，因為去日式果啲串燒店或居酒屋，收費都比教貴，所以呢度食得開心又無壓力。酒方面好多選擇好多，真露，啤酒，1664生啤樣樣齊。原條燒茄子，好大份，勁多蒜蓉，勁惹味。超抵食。燒羊架，夠大件又夠香，骨邊燒到好香，羊架本身肉質嫰又 夠厚身。燒雞翼，兩串特價雞軟骨，日式醬汁味道好，完全無投訴好滿意。牛肉方面，嗌左安格斯，牛柳，一口牛，牛舌，全部都好到位，好出色，尤其牛舌夠厚身，鹽燒好香口。蔬菜方面，燒四季豆，菠蘿超甜超出色。難怪6點零就坐滿食客。