一人燒肉館 (MONTEREY Place)

喺將軍澳睇完戲，就諗住行埋Donki，見有d餓，就食埋個飯先shopping, 又係開Openrice揾食嘅時候，見有間燒肉幾吸引，就睇下遠唔遠，點知原來同Donki係同一個商場，不過佢係喺商場外圍嘅鋪頭坐低之後個男侍應好細心，會介紹枱面嘅調味料，分別有：蒜蓉醬、辣醬、照燒汁、鹽、胡椒、七味粉⭐九州和牛套餐九州和牛後腿肉(100g)：肉味濃，好淋，套餐我就揀左最簡單嘅白飯同麵豉湯，麵豉湯唔好太鹹，入面仲有油揚同海苔😍，可以加錢轉其他有配料嘅飯或者係其他飲品⭐牛板腱+牛三角牛板腱：肉味濃，有d咬口，不過唔硬牛三角：會有少少根位，愈咬愈香⭐牛五花肥而不膩，而家好薄身，所以食落冇咁油膩😋⭐芝士年糕(2件)可以揀炸，或者自己燒，我就揀左自己燒，因為食過一次燒嘅芝士年糕就返唔到轉頭，我自己就鐘意食燒多d, 仲可以自己玩下添😍最近食完之後，個男侍應又出現，有飯後甜品送😍可以揀黑糖布甸或者大福，大福嘅口味分別有紅豆、蜜瓜、芝麻，我就揀左蜜瓜，唔會太甜，好香蜜瓜味，就連咬開左之後，見到佢嘅顏色配搭，同蜜瓜都一樣，唔洗錢，仲要又靚又好食😍