店內環境唔錯有著田園氣息，座位闊落安排大枱坐得舒適。美食以泰西fusion菜都幾特別，有好多心水選擇。
手作豬肉串燒(3串) $88
豬肉厚身大粒，好香香茅味，肉燒得唔鞋，啖啖肉好滿足，沾上魚露有另一番風味。
脆炸軟殼蟹米紙卷配 $118
軟殼蟹好足料，炸粉適中酥脆口感，調味唔會好咸比較健康。大大件蟹件以煙韌米紙包住，沾上牛油果醬酸酸地幾開胃，仲可沾埋蛋黃醬的，令整體味道會更豐富。
烤原個椰菜花配青咖哩醬 $78
椰菜花原個上真係好大個，青咖哩好有椰香但都幾辣下，已烤焗方式食落幾爽口。
泰式鹹蛋黃金單骨雞翼 $88
雞翼少少脆身，炸得唔油膩，邪惡的鹹蛋黃咸香美味，雞翼單骨食起來幾方便，奉上的魚露唔沾都已經好味。
芒果希臘式乳酪軟雪糕 $78
乳酪雪糕酸酸甜甜好好味，配上芒果醬汁好prefect，有芒果粒、爆珠和粟米片，層次分明口感味道豐富，慢慢享受好正的。
