老媽拌麵 (屯門市廣場1期) (Closed)

🏠雖然搬到屯門一年有多了不過有時去屯市都仲會迷路🤣💚早幾日行完山，就去咗屯市搵野食😋平時行街好少經過，發現三樓原來有咁多食店，好喜歡餐廳開放式設計，座位開揚舒適，空間感十足🌟呢間老媽拌麵原來唔止食拌麵～仲有湯麵及飯類，套餐價錢幾抵食🤤👍🏻💫麻醬手撕雞肉燥飯套餐包括前菜、指定飲品及甜品，雞肉絲份量都幾多，麻醬好香，配料有青瓜絲、紅蘿蔔絲和花生碎，肉燥飯裝滿成碗，好豐富！💫套餐可以用優惠價加配小食～款式好多樣樣都好吸引～我叫左碟麻辣蒜香火雞腎🔥辣辣地幾惹味🌶️🍅西紅柿慢煮牛肋條鍋配珍珠米飯牛肉好入味，大大件不過煮得好腍好易咬，蕃茄醬汁鮮味好開胃，用黎撈飯食幾正😋🍋冬瓜檸檬涼茶🥤呢排天氣又熱又焗好啱飲，清甜解渴🍍鳳梨茉莉鮮果茶🌟個人推介必點，呢杯茶有鳳梨果肉，綠茶+自家製鳳梨醬，茶味香濃~甜度剛剛好～味道新鮮消暑💦最後食埋個甜品🤍花奶仙草凍，今餐真係好滿足呀🤩因為同男朋友行完山太肚餓，所以2個都食飯，但係見到隔離枱食麵，大大碗好正，好想食招牌拌麵，睇到餐牌下午茶都好抵食，下次放假要再去🤤