滿屋日本料理 (Closed)

今日黎到位於銅鑼灣廣場既滿屋放題，位於銅鑼灣地鐵既C出口斜對面，非常方便。一上到黎點少得叫一盤刺身～ 有三文魚，油甘魚，象勿肨。 當然唔少得海膽手卷，雖然手卷份量細細，但咁就唔洗食咁多飯，再食其他食物都無問題。估唔到日式放題店有避風塘炒蟹，為食既我都忍唔住叫黎食。講番壽司先，呢度有唔少款式既芝士燒壽司，值得一試。你身邊總有一兩個朋友唔食魚生，呢度有唔少美味既熟食，唔少得既有羊架。日式方面就是天婦羅，全部食物即叫即燒，有時可能會等耐少少，但你見待應每次都拎一大盤同樣既食物，就知只係等多幾張單先一次過整，保證新鮮，唔係整定。呢個薯波值得推介。最後就飲番碗靚湯暖番個胃。