Bro's Cuisine

Open Now

Now Closed

開心果控一定會好鍾意呢到，除咗有主食、套餐，仲有開心果甜品、開心果朱古力可以買返屋企食。開心果喺主食入面其實都係點綴成份多，味道會俾其他嘢食蓋過，但開心果嘢飲係真係好濃開心果味。*開心果套餐 $290前菜+主菜+飲品*開心果油醋汁沙律沙律菜種類多，顏色配搭很好，油醋汁味道比開心果味濃。滿滿開心果燒澳洲羊架羊架揀咗五成熟度，啱啱好，帶輕微羊膻味。比起味道，開心果其實只係加咗一層口感，整體都係夾嘅。薯蓉普通，薯仔味好淡，配菜仲有西蘭花。開心果忌廉汁鮑魚意粉熱辣辣出晒煙，意粉彈牙又索汁。忌廉汁好掛意粉，又唔會太杰，但有少膩。開心果味偏淡，唔夠忌廉咁出。鮑魚有4隻，細隻、幾彈牙。奶蓋開心果鳥龍奶茶奶蓋好滑好creamy，入口第一啖係好濃郁嘅開心果味，後勁有好淡嘅茶味。奶蓋碎朱古力開心果奶比較之下，朱古力奶會比較甜，開心果味同樣濃郁。