鋒哥廚房 (Closed)

🕔5:00-7:00 $288/位打邊爐唔少得啤酒，但如果打邊爐都可以食埋羊腩煲就更爽。呢間鋒哥廚房就幫到我啦。其實去到去鋪頭門口見到餐牌，都唔只任食嘅，仲有其他小菜，所以都好適合三五知己嚟聚一聚。🍻🐐今次我哋呢都係為羊腩煲而嚟嘅，所以就梗係要試下啦。見到佢嘅支竹嘅顏色唔算好深，所以絕對唔會過鹹。羊肉亦都好大嚿好多肉嘅，同埋都唔會算特別好騷。🍅🥔咁食完羊腩煲滯滯哋嗌返個清啲嘅湯底啦。有營蕃茄薯仔湯就夠曬清新。之後加返幾碟肥牛、豚肉，大家一齊恰下恰下幾開心。啤酒任飲當然都係重點啦，大家飲返幾杯啤酒一齊吹下水，又係開心嘅一日。😁😁