唐記包點 (鯉魚門廣場)

Open Now

Now Closed

因為自問係一個細食既人，又唔想去吉野家食多飯...又或者去街市買熟食送飯，太少...所以我既要求都算高。食左幾年唐記...我記得第一次係食包，包唔錯...但有次食奶皇包就出左事，因為內面啲奶皇好似Jelly咁...同埋重要無奶皇本身隻味！今日我如常去買鳳爪排骨飯，排隊時已經聞到好香蒸飯味。鳳爪排骨飯啲料好似小左，飯開始痴埋一舊，唔知係咪潛移默化...排骨依然入味，飯爽口。加埋豉油好好味。椰菜都唔定時送俾你，好健康。記得有一次唔知係咪佢地賣唔出，有煎蛋送，但宜家我諗無了...總結黎講，首選係蒸飯。其次如果下午茶食幾個包都已經夠...下次食先影相值得一提，服務好好，pick飯好快。