Shake'em Buns (Closed)

本來要去伊呂波食燒肉，但舅仔一個電話call嚟話食緊漢堡，被受引誘，於是改變主意。响舊店食過，覺得係香港數一數二嘅burger店。新店地方寬落得多，人依然係咁多...今次食招牌貨red on the neck，太座就叫個什麼Guitar special，再加個炸魷魚圈...一吃麵包就知退咗步--- 唔夠熱，面頭又唔夠脆口。雖然佢哋D麵包係來自中環某名店嘅出品，但咁又點?水準同响舊店差幾皮...Red on the neck只不過响漢堡扒上面加上辣肉醬，不太特別。從前非常出色嘅漢堡扒，現在都覺得有點退步--- 雖然仍然頗juicy，但質感卻係淰pat pat嘅，好似食緊免治牛肉扒咁。不禁大失所望...太太嘅Guitar Special就係標準burger格式-- 有生菜片有tomato，份量頗足，攪到太座食得好論盡炸魷魚圈又係食得唔滿意--- 面頭脆漿已淰；雖然魷魚用嘅係新鮮貨，但食落淡而無味，好生失望...一向自己都覺得，一開咗分店，QC及品質就會出現問題...又一例證...