Mango X'press (Closed)

同朋友在尖沙咀食完晚餐，路經厚褔街，見到有人拎住一杯發光的野飲，上面好似有食的，八卦的我，走去買了一杯試下。原來這間店主要是買芒果做甜品。等我由上至下，外至內，解開這甜品的秘密材料啦。有芒果醬同朱古力醬淋在面，白色一層是cream,配上醬汁食，甜甜的好好味，而中間原來有非常美味的芒果雪糕，而佢地雪糕是自制的。外面有窩夫圍住，好似一朵盛放中蓮花。香脆窩夫配上cream及芒果雪糕食，好特別。如果食到有少少口乾仲可以飲中間的飲料。個飲料原來有3層口感的，你把飲管放在不同層次就會飲到不同的味道，底層的芒果味，中間的士多啤梨味及頂層的流打味。杯中間有閃燈，閃閃發光，好得意，如果在聖誕節那天食就好有聖誕氣氛。我仲買了一件芒果芝士蛋糕，一個牛奶布丁及一個芒果布丁請朋友食，佢地都話甜品有好香濃的芒果味。鐘意食芒果的朋友仔唔好錯過啦。