Video
Read full review
2021-06-18
505 views
外賣自取，有個年紀細細嘅男店員當正自己係警察問埋啲唔經大腦嘅問題，已經兩次。第一次，一入門口見冇人得閒，我又對到單搵到自己個外賣，諗住拎起個外賣搵侍應對單之際，個男侍應就彈出嚟欄住唔俾攞外賣，仲冇禮貌話：「我怕你攞錯呀！」我：「我叫咗拎外賣，電話係xxxxxxx」跟住我指住五、六個外賣袋嘅其中一袋！佢：「你有冇no.?」我黑人問號，佢：「你打嚟叫外賣嗰陣我咪俾咗個no.你嘅！」我:「我叫外賣APP呀！就係嗰袋！」我再指多次。佢：「你對下係咪你叫嗰啲嘢食！」係咪痴線架佢，阻咗我成5分鐘！第二次，我又行入去話我叫咗外賣APP, 今次佢將啲外賣單唔貼喺個外賣度，貼喺張枱度。佢：「你個外賣拎得未架？」我心諗：呢條友真心膠架喎我：「緊係個apps話拎得我先嚟架啦！未煮好呀？」佢：「我哋有冇唔接你單呀？接咗你單架喇吓話？」我心諗：我究竟係咪同緊正常人講嘢？我冇答佢，跟住我一指指住張單：「係呢張單呀，得未架？」佢：「你對吓你啲資料啱唔啱」我手指指住即係我一早對咗囉😠我：「啱呀！得未架？」跟住斯斯然拎個外賣出嚟，又阻咗我5分鐘！佢其實係咪得閒得濟啲嘢係幾好食，不過用得apps外賣自取，就係唔想企喺度嘥
第一次，一入門口見冇人得閒，我又對到單搵到自己個外賣，諗住拎起個外賣搵侍應對單之際，個男侍應就彈出嚟欄住唔俾攞外賣，仲冇禮貌話：「我怕你攞錯呀！」
我：「我叫咗拎外賣，電話係xxxxxxx」跟住我指住五、六個外賣袋嘅其中一袋！
佢：「你有冇no.?」
我黑人問號，佢：「你打嚟叫外賣嗰陣我咪俾咗個no.你嘅！」
我:「我叫外賣APP呀！就係嗰袋！」我再指多次。
佢：「你對下係咪你叫嗰啲嘢食！」
係咪痴線架佢，阻咗我成5分鐘！
第二次，我又行入去話我叫咗外賣APP, 今次佢將啲外賣單唔貼喺個外賣度，貼喺張枱度。
佢：「你個外賣拎得未架？」
我心諗：呢條友真心膠架喎
我：「緊係個apps話拎得我先嚟架啦！未煮好呀？」
佢：「我哋有冇唔接你單呀？接咗你單架喇吓話？」
我心諗：我究竟係咪同緊正常人講嘢？
我冇答佢，跟住我一指指住張單：「係呢張單呀，得未架？」
佢：「你對吓你啲資料啱唔啱」
我手指指住即係我一早對咗囉😠
我：「啱呀！得未架？」
跟住斯斯然拎個外賣出嚟，又阻咗我5分鐘！
佢其實係咪得閒得濟
啲嘢係幾好食，不過用得apps外賣自取，就係唔想企喺度嘥時間啫，仲要畀人犯咁審
Post