堂食燒味飯由4x蚊起📗都有十零廿個位，見食客同店員都有講有笑，充滿人情味，外賣斬料有非常多選擇，有叉燒、燒腩仔、燒排骨、燒鵝和燒鴨等🔥另外仲有好多款滷味，例如墨魚、牛肚、豬利同鵝肝鵝腎等
一如既往有一個透明櫥窗斬料🔪吊起各式燒味和一盤盤滷，靠色香味去吸引往來的客人
🦢燒鵝 | 8.5/10
今次揀咗上下庄mix，既有肉多既鵝胸部位，亦有近鵝腿既位置🦵配咗滷水汁同酸甜醬，因為色澤夠哂亮麗，夾起由側面睇油脂已經融入肉質同皮
一入口仲有驚喜，因為帶有柴火煙燻味，每一口都有濃郁香氣，愈食愈好味，因為有汁唔會太乾柴👍
🐖叉燒 | 7.5/10
經典燒味之一，必揀半肥瘦，因為咬落多d口感，食落爆汁，甜味唔會太over，顏色帶點深紅💋經過熊熊大火烘燒後帶點焦香味🔥
