% Arabica (國際金融中心商場)

今日同朋友喺 ifc 行街，行到又攰又口渴，去咗人氣咖啡店 % Arabica 買咗杯咖啡飲吓先，抖一抖再血拼，下晝三點幾，仍然有條長長嘅人龍，果然係人氣咖啡店，第一次飲，真係要試真D個味道。

朋友係抹茶控，睇咗餐牌，即刻叫 Matcha Latte 抹茶鮮奶，話要試吓京都嘅抺茶風味，果然抹茶味道好香濃，奶味好重，入口好幼滑，又唔會溜，真係好正。

Spanish Latte，遠遠已經聞到陣陣咖啡香，入口奶味濃郁細密，跟住嚟咖啡味道有深度烘焙焦香，冇帶酸冇苦澀，入口好順滑香醇。但自己覺得如果奶嘅分量可少D，就更加好，依家D奶味好似蓋過咗咖啡味，下次要試下 Espresso ，相信咖啡豆嘅香氣應該會發揮得更淋漓盡致。