Macaroni Dessert Bar (Closed)

約左友人喺紅磡睇演唱會， 開show前一齊去醫飽個肚仔先。 炸魚薯條 - 即叫即炸，薯條炸得香脆而唔油膩，油溫控制得好。炸魚嘅炸粉唔會太厚啱啱好，魚柳肉質嫰滑入口無乜雪味，配埋他他醬一齊食好滋味。雙重芝士夏威夷千島披薩 - Pizza焗得唔會太燶，批皮幾薄好脆好香口。Pizza面上額外加芝士粒，芝士好滑好濃醇。安格斯肉眼 - 牛扒大塊又厚，咬落不韌而且嫩滑多汁，點埋蘑菇汁好惹味。跟碟嘅薯菜有西蘭花、薯粒等，薯粒係用蒜粒一齊煮，而西蘭花清淡得嚟又香口。