「一杯屋」餐廳內牆上掛滿仙台海報，甚有和風色彩，門口有間半開放式的房，以和式木簡格。
前菜燜牛舌 $30
被安排坐近牆邊二人位，較寧靜，店員先奉上前菜 – 燜牛舌。切成一粒粒方形骰仔容易食，易入味，見到其他食評提及每碟會收取$30，如果不要可以提出，但諗住呢度牛舌出名，所以照要了，牛舌爽口，配酸汁，食出由洋蔥蒜頭燜焗泡製，面灑上蔥絲和蔥粒。
鯛魚薄切刺身$98
手工巧手菜，魚生好薄片, 夾起透明薄片，可將切碎的辣蘿蔔蓉同蔥包住黎食，淡淡的魚肉鮮味夾雜濃味配菜剛好。
炭燒極上牛舌 $158
仙台出名食牛舌，可作主菜，叫了個牛舌定食~店員即叫即燒！遠望bar台見到師傅燒起熊熊火焰在日本的長炭爐上燒串燒，火喉要控制得好好！
牛舌爽口彈牙，有陣陣既炭燒味道。我喜愛加上七味粉，更惹味，定食還有高麗菜，配菜還有大蒜牛尾湯，健康淮山蓉撈飯。
串烤生蠔 $48
開始點串燒，來到長炭燒爐店，烹調方法獨特，先叫串烤生蠔，生蠔又肥美，肉質夠稔，燒至梗梗熟。
串燒當然唔可以停，繼續叫了燒大形帶子$45，夠大隻又鮮甜，裙邊又夠爽口，大大舊既魚春都食得；
另一至愛燒雞翼($36)。吉得非常有心機撐大令雞翼可燒至肉質均勻,約中型尺寸的雞翼，燒至微焦香。
蒲燒鰻魚$138，當然唔少得，鰻魚相當厚肉，裡面唔多骨，更顯滑溜，魚味香甜，醬汁醃製不會太咸。
串燒三文魚$45
好像是三文魚腩部位，放入口充滿油香，厚肉。
除了串燒，還叫了天婦羅$138，有兩隻大蝦夠鬆脆，炸得乾身，唔會太油膩，有南瓜，茄子，冬菇，可灑上七味粉夠惹味，
