長洲冰滴咖啡 (Moved) New Location

秋高氣爽，最適宜去離島行一行，今次，我地決定入長洲！山長水又遠搭車又搭船，終於入到嚟喇，梗係大街小巷都唔好放過，一定要到此一遊啦！行吓行吓……突然有兩座巨型嘅漏斗形物體出現喺眼前，我地即刻走過去研究研究。原來係冰滴咖啡機，愛好咖啡嘅朋店已經話要試，但係我仲猶豫緊，因為我好怕咖啡嘅苦澀同酸味，店員就話因為冰滴嘅過程會令咖啡豆嘅苦澀同酸味減低。聽完佢咁講，令到本來唔好咖啡嘅我都忍唔住要買番杯試吓。嘩！咖啡味好濃，但係真係唔澀又唔酸，而且飲落重好滑添。朋友重話呢個價錢飲到杯咁正嘅咖啡，真係物超所值呀！